Hefðbundinn mjöður – 13%
Drottningin er gerð úr hinu fínasta appelsínublómahunangi sem völ er á. Þetta er fágað hunangs-vín í góðu jafnvægi með vott af sætu úr hunanginu og sýru úr franska víngerinu. Þetta er dæmi um mjög hefðbundinn mjöð eins og hefur verið bruggaður í gegnum aldirnar og árþúsundin, oft til handa drottningum.
Batch nr. 1 – Súkkulaðimjöður – 16%
Birtir er gerður með Belize og Nicaragua kakónibbum frá Omnom Súkkulaðigerð, ásamt hlynsírópi, sér-ristuðum heslihnetum, ristuðu byggi og vanillubaunum. Þroskaður á amerískri eik. Sérstaklega hannaður til að vera páskaegg fullorðna fólksins, en góður allt árið í kring.
Batch nr. 1 – Brenndur mjöður – 17,1%
Logi er af tegundinni Bochet sem þýðir að hunangið er brennt, eða karamelluserað, áður en mjöðurinn er lagaður úr því. Það dekkir litinn og umbreytir bragðinu á stórfenglegan hátt. Þetta er gert undir opnum eld og því ber hann nafnið Logi. Þroskaður á eikartunnu undan þriggja ára Flóka-viskí í 9 mánuði. Parið með ostum eða köldu veðri.
Kirsuberjamjöður – 6,5%
Rjóð er mjöður af tegundinni melomel – sem þýðir mjöður með berjum eða ávöxtum. Hellingur af kirsuberjum er bætt við mjöðinn í lok gerjunar sem framkallar rjóð-rauða litinn og gefur ljúffengan ilm og bragð af kirsuberjunum. Rjóð er kolsýrð og er best notið köld í góðu glasi ásamt uppáhalds eftirréttinum þínum eða ostum.
Bláberjamjöður - 6,5%
Blámi er mjöður af tegundinni melomel – sem þýðir mjöður með berjum eða ávöxtum. Blámi er bróðir Rjóðar og verður til á sama hátt – Bláberjum er bætt við í lok gerjunar sem gefur Bláma djúp-blárauðan lit og náttúrulegt bláberjabragð og angan. Blámi er kolsýrður og best notið kaldur í góðu glasi með eftirréttum, ostum eða einn og sér.
Kryddaður mjöður – 5,8%
Fluga er krydduð með íslensku blóðbergi og ætihvannarfræjum. Hún er lauflétt, sæt og kolsýrð og er best notið kæld. Innblásin af hinu íslenska sumri og hausti.
Við erum að vinna í því að flytja mjaðargerðina á Hellu. Þannig að við getum því miður ekki tekið við heimsóknum eins og er.
En við hlökkum til að taka á móti ykkur á Rangárbakka á Hellu næsta vor!
Hafið samband á booking@oldur.is fyrir nánari upplýsingar varðandi heimsókn.
